سابتنى وراحت

موضوع: سابتنى وراحت الثلاثاء يونيو 16, 2009 7:11 pm

مسكت اوراقى وقلب فيهم
لمحت بعينى اسمها مليهم
فى كل كلامى وكل كتاباتى
اسمك موجود بينهم يا حياتى
ليه فكرتنى ياقلبى بيهم
ماكانوا حبة ورق قديم وناسيهم
رجعت وقلبت فى قصايدى القديمة
وافتكرت كل ذكرى كانت معاها
واضحك مع كل ذكرى تفرحنى
وابكى مع كل ذكرى حزينة
ايه ده معقولة دى لسه موجودة
اخر قصيدة كتبتها ليها
بس يا خسارة يازمان عمرها ما قرتها
ولا حتى عرفت انى كنت كتبها
فاكر يوميها زى مايكون من ساعة
جريت ورحت عشان اقبلها
وبشوقى كلو رايح اغنلها
ما هو كان ذكرى ميلاد حبنا
كان تانى عيد يمر على عشقنا
بقلنا سنتين دايبين فى الحب
شوقنا عمره فى يوم مايتوصف
احساس كان عايش جوه القلب
عمر ماحد يقدر يموته
لقيت زحمة وناس كتير ملمومة
قلبى وجعنى وحسيت رحى بتروح
لقيت الناس على الصفين واقفين
وفى الأرض مرمى حد بينزف
صرخت بعلو صوتى لامش معقول
دى حبيبتى ولا أنا بيتهيألى
مش ممكن تكون هى دى
ارجوكى اوعى تموتى وتسبينى
ده احنا انهاره فـ اجمل عيد

قالتلى وهى روحها رايحة
كفاية عليا انك جمبى ومعايا
ربنا حققلى امنيتى اللى اتمنتها
اموت وانا قدام عنيك وبين ايديك

ليه ياقلبى تعمل فيا كده ليه
فكرتنى بحب عمرى كله وجرحى القديم
ماتت وسبتنى اعيش بعدها
فى كل ذكرى ليها ولحظة بحنلها
بحن لصوتها ولمسة ايديها
ولحضنها وضحكة عنيها
راحت خلاص ومش هترجع تانى
راحت وسابتنى فى الدنيا وحدانى