انهى تفضل ؟؟؟؟؟؟؟؟؟

انا هدخل على طول بدون مقدمات او نقاش بس ياريت النقاش يكون منكم انتو واسمع ارائكم

هل من السهل او من الصعب انك تغير انسان بتحبه؟ولماذا؟

وياترى اى يفرحك انه يتغير عشانك ولا يتغير عشان هو عايز يتغير ويبقى انسان كويس؟

بس لو هو اتغير عشانك وعشان يرضيك محصلش نصيب بينكو يبقى يوم الفراق هيرجع زى ما كان ويمكن اكتر وهيقول ما اللى اتغيرت عشانه راح

فتختار ايه عشانك ولا عشان نفسه؟؟؟؟؟؟؟؟؟؟

فى حاجات نقدر نغيرها وفى حاجات مستحيل تتغير زى ايه عايزة اعرف منكم

وايه اللى بيضايقك فى تصرفات الحبيب؟

غير الطبع لان الطبع مش بيتغر لو عملت المستحيل

عايز رايكم ولو حصل معاكو موقف مع الحبيب احكوه يمكن نستفيد ونفيد اى انسان بيمر فى مشكله مع الحبيب

اتمنى النقاش

تحياتى للجميع

اكيد طبعا مش من السهل اننا نغير الأنسان اللي بنحبه وبنتعلق بيه رغم ان في ناس بتعمل كدا كأنه فستان بتغيره او شنطه جديده بتشتريها زي مابنشوف في الزمن دا وعلي الملأ
ومابنقدرش نغيره لأن بنكون اتعلقنا بيه واخلصنا ليه وحبناه بكل قلبنا وكنا ممكن نقدم ليه روحنا لو كان طلب بس طبعا في الزمن الجميل جدا اللي احنا فيه طبعا مافيش الكلام دا
يفرحني طبعا انه يتغير عشاني بس لو يتغير عشان هو عايز يتغير دا يبقي احسن لأنه كدا يبقي انسان كويس ويستاهل الحب يعني انا عن نفسي احب الإنسان اللي عارف انه في عيوب كتير وعايز يصلحها عشان نفسه وعشاني وعشان الدنيا كلها
الحاجات اللي نقدر نغيرها كل الحاجات نقدر نغيرها بس لو كان الحد اللي قدامنا هو كمان عايز يغيرها لاكن لو مش عايز وعاجباه نفسه كدا اكيد مستحيل ان احنا نغير اي حاجه
لا في ناس كتير مالهاش حبيب يعني هنا علي المنتدي
واغلبنا منهم يعني
فا انا هتكلم عن اللي بيضايقني في الحبيب اللي هحبه يعني
انا يكون متعجرف ومش بيستني ان اللي قدامه يوضح ليه الأمور يعني مش متفاهم معاك ومش واثق فيك
ماحبوش يغير غيره زايده عن الحد لدرجة الشك اه يغير لأنه لو مش غار عليا يبقي مابيحبنيش لو انا طلبت منه انه مايغيرش عليا خالص دي ابقي اكيد هبله او بعمل حاجات غلط عشان كدا مش عايزه غيرته عليا لا يكون في غيره بس بحدود
وفي حاجه بقي بضايقني في الناس كلها عموما سواء ولد او بنت ان الولد مستني البنت هي اللي تقول ليه بحبك والبنت مستنيه ان الولد هو اللي يقول ليها بحبك وبكدا الأتنين هيفضلوا ساكتين ومش هيكون في حب اساسا
لأن البنت حيائها يمنعها انها تقول للولد انها بتحبه بس وكمان الولد يقول لا دي لو قولتلها بحبك هتتقل عليا وتعمل فيها ايه بقي بنت الباشا الوزير لا ياعم بلاش اقول احسن اولا بجد لو هي بتحبك بجد عمرها ماهتتقل عليك ولا اي كلام من اللي ممكن تفكر فيه اه ممكن تتقل بس ساعتها اعرف انها مش مياله ليك اوي وكمان لازم تكون مقتنع انها فعلا مش هتقدر تعبر بحبها ليك لأن زي ماقولت حيائها هيمنعها يعني انا مثلا لو هيقطعوني عشان اقول للأنسان اللي هحبه بحبك عمرها ماهتحصل بس في الزمن دا طبعا مافيش خجل ولا حاجه يعني اغلب البنات بسم الله ماشاء الله عليها ماتتوصاش
ربنا يهدينا ويهدي الجميع يارب
وحكاية بقي اني اغير في الطبع دي مستحيله الا اذا الشخص دا بيحبني لدرجة الجنون وكدا كدا بعد ماتحب الحد دا وترتبط بيه بعد الجواز انت اللي بتقدر تغير لو البنت فيها حاجه وحشها لما تشوفها فيك انت بتعملها حلوه اكيد هتحاول تقلدك فيها وتبقي كويسه زيك والعكس طبعا للولد كمان
واتمني يكون ردي كان مقنع كويس ومضايقش حد مني
وميرسي علي الموضوع الهايل دا
بجد هيخلي ناس كتير تتكلم فيه وتشوف وتتعلم منه
وتقبل مروري

فعلا ياميمي كلامك كله مظبوط وفعلا اكتر حاجه بضايقني ان الشاب يقول البنت هي اللي تيجي تقولي والبنت تقول ان الشاب هو اللي هيجي يقولي والأتنين يستنوا لغاية ما الحب ينتهي فا دي اكبر غلطه ووالله يابنتي كنت عايزه اخد الموضوع دا من عندنا وانقله هنا واتكلم فيه بس انتي سبقتيني وفتحتيه انتي فا بجد عايزين نغير فكرة الشباب والبنات دي
وبجد كلامك كالعاده هنا او هناك رائع ياحبيبتي
وبجد يا استاذ محمد موضوع هايل
وانا رأيي من رأي ميمي بردوا
ونتمني منك المزيد وكل ماهو جديد
تقبل مروري

:)

مرسى يا جماعه اوى على مروركم الجميل ده وردودكم الاكثر من رائع
بس انا كنت عايز اوضح حاجه
ان اللى بيحب حد اكيد مش بيشوف فيه
حاجه وحشة او حاجه غلط محتاجه للتغير
لان اللى بيحب مش بيشوف فى حبيبه عيب
يبقى ليه الواحد يبقى عايز يطبع حبيبته بطبعه او الواحد تكون عايزة تطبع حبيبها بطبعها