أتمني أعرف ردودكم علي اول مقاله ليا وكمان تشوفوا اهمية الموضوع وياريت كل واحد يقول رأيه بكل صراحه

بصراحة في الأيام دي زي مكلنا شايفين وعارفين
الشااااات
بئا منتشر جدا بين الشباب والبنات
في الأول يتكلموا مع بعض عادي كأصدقاء
بعد كدا ياخدوا ايميلات بعض
شوية شوية يفضفضوا لبعض ويرتاحوا في الكلام
وبعدها بفترة .. يتكلموا بالصوت
وأكيد هيشوفوا صور بعض
ولو في بلد واحدة ممكن يتقابلوا
لغاية مهيحبوا بعض !!
بس يا ترى بعد كل دا .. هل الشاب دا هيقدر يتجوز البنت دي؟؟
دا سؤال مني ليكوا
لكل شاب .. ترضى تبقا دي شريكة حياتك؟؟
أنا مش هظلم كل بنت .. في بنات كويسين بس الظروف خلتهم يدخلوا شات .. يمكن متضايقة .. مشاكل عائلية ..حاجة جديدة عليها ..الشيطان لعب بعقلها.....إلخ
ولكل بنت .. هل تقدري تأمني على نفسك مع الشاب دا وتثقي فيه وتضحي عشانه بعمرك؟
بردو مش هظلم كل شاب .. في كتير شباب عندهم نفس الظروف
وللأسف مجتمعنا بيبرر كل حاجة للرجل.. يقوله : ولد وغلط
أما البنت : لأ .. شرفنا .. دي تستحق الموت
ياريت كل شاب .. يقول هيرضى البنت دي تبقا مراته وشريكة حياته وأم أولاده..إذا حس إنها بنت محترمة ؟
ولا هتقول: حتى لو محترمة في كلامها معايا ..أثق فيها ازاي دي .. متجوزش من الشات؟؟
وياريت كمان كل بنت ..تقول هتثق فيه يشاركها حياتها ويبقا أب لأولادها..إذا حست إنه فعلاً واحد محترم؟
ولا هتقولي:حتى لو محترم .. هيعايرني بعد الجواز في أول خناقة ومفيش جواز مفيهوش خناقات
دي مجرد دردشة
وهتتجوزي جواز صالونات أو بطريقة تانية ..عشان ميقولش عليكي نص كلمة؟؟
بس البنات حساسين أكتر .. هما في الآخر إلي بيتظلموا .. أما الولد ممكن ينسا بعد فترة..
ولا انتو الاتنين هتتمسكوا بحبكم لبعض ..رغم كل حاجة ..مهما كانت الطريقة إلي اتعرفتوا بيها.. ؟!؟
Cat Beso

ترضى تبقا دي شريكة حياتك؟؟

اولا الجمله دى مستفزه اوى يعنى بتحسسينى انى متعرف عليها فى كباريه ولا بار

مش مهم.

هو فعلا بالنسبه للولد عادى مش بتفرق معاه والبنت بتتاثر اوى

بس مش لازم اى تعارف على النت يبقى اخره ارتباط ...ممكن تكون صداقه او صحبيه

بالنسبه بى لو الموضوع قلب حب وكده يعنى فدا مش بيكون حب حقيقى الا فى بعض الحالات يعنى فى ناس بتكون صادقه

اما بالنسبه ليا انا اى تعارف على النت اخره صداقه فقط وعمرى مفكرت فى موضوع الارتباط ده

وبعدين الايام دى بقى من الصعب تلاقى حب صادق فعلا فى الى انتا شايف قدامك
يبقى هتلاقيه على النت !!

ارضى بيها شريكه حياتى فى حاله واحدة بس
لو هيه محترمه وبنت ناس واخلاق وبتعرف تحب بجد
انما فى الزمن دة انا مش بقول على البنات بس
انا بتكلم على كله عشان محدش يقول انى بتكلم على البنات وبس
دلوقتى فى بنات كتير تدخل على النت تحب تقضيها اشتغالات وحورات
ودة الى موجود كتير الايام دى وبردو فى ولاد نفس النظام
فا طبعا معدش فى حب زى الاول دة دلوقتى ممكن تلاقى البيت مع دة بحبك ويا حبيبى
ومعاة سبت واتنين واربعاء وتخونه حد وتلاتاء وخميس وتاخد الجمعه راحه
فا مش كل الناس زى بعضها وبعدين النت مش عيب ولا حرام
انى اعرف واحدة من عليه ممكن نكون صحاب قوى وومكن احبها بردو لو من بلدى وشفتها
واعرفها ولو هيه محترمه بجد بس دة نادر الايام دى

فعلا يا أستاذ أحمد تقريبا هو دا اللي بيحصل في الزمن دا وبشكل ملحوظ جدا
وعلي فكره ياميمي في علاقات حب كتير بتنجح من علي النت زي اللي بالي بالك
ها
فهماني طبعا
واهي بجد قصة حب لغاية دلوقتي كلنا بنحكي عنها من كبيرنا لصغيرنا بس في ناس مابتقتنعش بيها وانا من الناس دي لأن صعب تلاقي حد تثقي فيه اه ممكن ترتاحي في الكلام مع شخص وكدا بس بيتهيئلي عمره ماهيتم علي حب انا ماعرفش الأحساس دا بيبقي عامل ازاي بس انا وانتي شفنا القصه اه حلوه وحب وبتاع بس مش معناها ان لو كل واحد حب من النت هتبقي كل حياته حب في ناس مش هتثق في بعض وفي ناس هتفضل تحب بعض مهما كانت طريقة تعارفهم ولو حب صادق وهي بتحب بجد وهو كمان بيحب بجد اكيد اكيد عمرهم ماهيبعدوا عن بعض ولا هيعايروا بعض في المستقبل وانا برجح الفكره دي ان ممكن تحصل قصة حب زي اللي شفناها بس بردوا مش مقتنعه بالفكره

:)

للالللا مين بقى الى بالى بالك ده ههههههههههه
كده مش ينفع

» (لعبة جميلة):قول أسم الأغنية اللى بتحبها واسم المغنى وللى بعدك يقول رأيه فيها
» أغرب واحد رد على واحد سأله كم الساعه
» هل تستطيع أن تقرأ هذا الموضوع دون ان تدمع عينيك ؟؟؟