فعلا الكبير كبير!

تخيل ايه ترتيب عمرو دياب في مبيعات السنه دي 2009 ؟

يا جماعه بعد نزول البوم عمرو دياب
في فيرجن ميجا ستورز
كان ترتيبه بعد ساعه السابع علي مدار السنه كلها
و بعد كام ساعه
عمرو دياب بقي الاول و اعلي مبيعاات في السنه كلها من بدايتها
مع ان احنا في شهر سبعه
و باع اول يوم اكتر من 100 الف نسخه
تخيل النهارده بقي بعد مرور تلات ايام وصل لكام نسخه ؟؟؟؟؟؟؟

بس انا عندي سوال حد يجاوبني عليه
لو انتا مطرب و نزلت البومك اول السنه يعني شهر يناير
و مرة واحد يجي مطرب تاني ينزل البومه بعدك بسبع شهور و في نفس اليوم يبقي اعلي من مبيعاااتك باضعاف اضعااف
انتا يبقي احساسك ايه ؟؟؟؟؟؟

بالنسبه للرد علي سؤالك بقي
أكيد طبعا لو حصل كدا هزعل جدا
اما بقي بالنسبه لعمرو فا دا الهضبه طبعا مافيش مقارنه بينه وبين حد
تعب واحنا بقي مانجيش نقارن بين واحد كون ثروه تعب فيها أكتر من 20 سنه
وواحد لسه طالع مابقلوش كام سنه
وانا ليه كمان سؤال
ليه دايما أغلي مطربين الجيل بيقارنوا نفسهم بعمرو رغم انه دا كان زمن واحنا في زمن تاني خالص
يعني هو ليه لونه الخاص وهما كمان لازم يغيروا من بعض مش من عمرو لأني مافيش وجه مقارنه بينهم وبينه
ليه بجد بيعملوا كدا نفسي اعرف

بصى هو حسب وجهه نظرى ده نوع من الشهره

يعنى لما المطرب يقارن نفسه بعمرو دياب بيزود من شهرته

تماما زى تامر حسنى لما بيقارن نفسه بعمرو دياب

ومنزل الالبوم بتاعه فى نفس توقيت البوم عمرو دياب هو اه طبعا الهضبه هينسفه

ومش هيصمد قدامه بس برضو شهره ليه

وبرده بيزود مبيعاته عل حساب شهره عمرو دياب
يعنى مثلا كلنا هنقول تامر حسنى بينافس عمرو دياب ؟؟!!!
طب ازى ؟؟!!
تقومى تشترى الالبوم علشان تشوفى فيه ايه الالبوم ده علشان ينافس عمر و دياب

فهمتى قصدى ولا ايه؟؟

بس انا فى حاجه بتلفت نظرى اوى ان مطربين كثير بيهاجموا عمرو دياب فى الصحف والمجلات
زى شرين واصاله لما انتقدوا برنامج الحلم

وزى تامر حسنى لما قال ( انا عملت شهره فى 5 سنين .فى ناس تانيه عملتها فى 20 سنه
وقال ان عمرو دياب بيبعتله رسايل تهديد)
..عمرو دياب بقى مش بيرد على حد منهم ولا بيجيب سيره حد منهم
بس رده عليهم بيكون فى نجاحه والبوماته الى بتكسر الدنيا
ودى احسن حاجه فيه!

فعلا كلامك كله صح
بس مش كل الناس ممكن تشتري ألبومه وألبوم عمرو وتقارن بنهم يعني انا لو قطعوني مش هشتري لتامر أي حاجه
وكمان تامر في برنامج كانه مستضيفينه بيلمح ان عمرو دياب هو اللي حرق ليه البيت كمان
وهو بيتكلم في البرنامج كان باين انه حافظ كلام وبيسمع وتحس ممثل هايل بيتكلم رغم انه لما بيمثل مابيبقاش بالبراعه دي
نجم الجير بقي وبتاع
ربنا يهديه ويهدينا

:)

هو ده الفرق بقى

ان جمهور الهضبه عمرو دياب مش بيحب تامر حسنى ..
اما جمهور تامر حسنى بيسمع الاتنين عمرو دياب وتامر حسنى علشان هما عارفين ان عمرو الافضل

وانا مش بقول ان تامر وحشن بالعكس ده ليه اغانى كويس وانا بسمعها برضوا

بس انا مش بتعجبنى شخصيته والكاريزما بتاعته
ومش بيعجبنى فيه انوا حاطط عمرو دياب فى دماغه وكل مايطلع فى برنامج يتكلم عليه

بالعكس ده لو ركز فى نفسه وشغله يكون احسن

» حصريا النسخه الاصليه البوم عمرو مصطفي - الكبير كبير 2009 Mini Album
» موسوعه شامله لكل مسلم يحب دينه _ ساعد على نشرها واكسب اجر كبير
» (حصريا):ألبوم حجازي متقال - ليك كبير 2010 Ripped From OriGinal Cd Q 320Kpbs