الحب؟؟!!

سلام عليكم اولا
بقالي كتير ماكتبتش مواضيع لأن بصراحه قولت كفايه اوي كدا مقالات
وارد شويه علي المواضيع الموجوده
بس بصراحه في موضوع شدني اوي اليومين دول
وهو معني الحب
أغلب الناس إللي بتحب مابتعرفش معني الحب كله بيقول احساس حلو وخلاص احساس غريب
يعني بحس بحاجات زي مش عارفه ايه وكدا يعني كلام كتير بنسمعه وكمان انا بضايق لما بشوف ناس من صحابي مش عارفين ايه الحب دا مجرد احساس وخلاص مش عارفين يعبروا عنه او يتكلموا في معناه
وكل واحد فينا ليه مفهوم مختلف عن اي حد تاني عن موضوع الحب دا
اتمني كل واحد يدخل يقول مفهومه عن الحب
يعني يفيدنا ويستفاد
واتمني مايكنش موضوع مزعج

الا قوللي يا أحمد أيه أخبار نوال الزغبي واخبار اغنيتها فاكرها ولااااااااااا؟
ههههههههه
بص يا أحمد الحب دا ليه معاني كتير بس اكيد مش هعرف اوصفها كلها لاكن هقول منها شويه حاجات
يعني الحب استقرار وامان خوف علي حبيبك خوف من الأيام واكتر حاجه في الحب موجوده هي حب الأمتلاك
واي حد كدا او اغلب الناس كدا بتحب حبيبها دا يكون ليه وبس الحب غيره الحب تضحيه زي ما انت قولت الحب نعمه كبيره جدا ماحدش يعرف قيمتها لو عرفنا قيمتها هنكون بجد متقدمين جدا وخصوصا لو ماكنش حب بين ولد وبنت لا حب كل الناس وكل حاجه مهما كانت صعبه وقاسيه نقول الحمد لله علي كل شئ
اما بقي بالنسبه لحبيبي بيمثلي ايه ؟ فا حبيبي مش بيمثل ليا حاجه لأنه لسه مجرد حبيبي
بص في حاجات بنتمناها مش هتتحقق الا لما يكون حبيبي دا زوجي ان شاء الله في المستقبل
يعني انا هقول مواصفات زوجي مش حبيبي
هلخصها في كلمه واحده أنه يكون راجل بجد انت فاهم ازاي ؟
مش باللقب او بالشكل او بالأسم وخلاص انت فاهمني
لا يكون فاهم معني الكلمه دي كويس اوي انت فاهمني
يعني انا بالنسبه ليا زوجي دا هيكون كل حاجه بالنسبه ليه
اعتقد ان الراجل لازم يكون امان وحمايه وطيبه لزوجته عطوف زكي علي خلق ودين اهله ناس طيبه يكون حساس بالناس عشان يقدر يحس بيا يراعي ربنا في كل حاجه بيعملها وفي معاملته ليا بردوا وانا كمان عندي ظروف خاصه انا والدي توفي وانا في سن صغير جدا فا لازم يقدر دا ويفهم انه هيكون بالنسبه ليا حاجات كتير مش زوج بس لا اخ واب وناس كتير اوي هتبقي مسئوليه صعبه انت فاهمني
وكمان انا من الأشخاص اللي بيحبوا التملك بصراحه يعني بس مش تملك اشياء لأ تملك أشخاص ازاي يعني ؟
يعني عشان أنا هبقي ليك لوحدك انت كمان تبقي ليا لوحدي انا مع اي حد كدا حتي مع اصحابي
وكمان غيرتي فظيعه وأعتقد انت عارفني يعني وأتعاملت معايا
بس الحمد لله ربنا بردوا مابينساش حد والحمد لله حبيبي فيه صفات كتير من الصفات دي وأحسنها الحمد لله يعني هو أي نعم عندي شويه بس الحمد لله ماشيه يعني بس زي ماقولت عمرها ماهتتحقق بعض الصفات دي الا بالشرط اللي قولته
فا الحمد لله علي كل شئ لو جمعتلك كلام يا أحمد عن الحب مش هيكفي لأن بجد الحب دا نعمه ماتتقدرش وكمان مش من الحاجات اللي تقدر تشتريها زي ما أغلب الناس بتشتري حاجات كتير