فيلم هندى(قصدى فليم عربى)

هاى واحشتنونى من زمان ما كتبتش مواضيع
مع ولا مره حد ردلى على موضوع بس مش مشكله واحشتونى برضو
النهارده بقى جايبلكو موضوع مووووووووووووووووز
مواصفات الافلام العربى المصريه
ازاى تعرف ان ده فيلم عربى قدييييييييييييييييم ؟
خليك معايا بقى.

vلما تلاقى البطل عيان فى السرير وتقدم له البطله حبه الدواء مع كوبايه ميه وبعد ما ياخدها تساله البطله فورا: ها عامل ايه دلوقتى ؟ المفاجأه انه يرد عليها الحمد لله بقيت احسن. ( كده بالسهوله دى هو واخد حبه البركه ولا ايه؟؟)

vلما يوصل البوليس لموقع الجريمه من غير ماحد يبلغ(تقريبا المخرج هو اللى بلغ علشان يصور امال هيصور ايه؟؟)

vلو مشهد بقى لما ييجى البطل يقعد مع البطله لوحدهم ويحاول يضحك عليها تلاقى لقطات الامطار الغزيرهواالبرق والرعد والشباك ينفتح بقوه على مصراعيه(وتلاقى البطله فى المشهد مصيفه) :D

vلما تقول البطله للبطل انا حامل فيرد على طووول اللى فى بطنك ده لازم ينزل

(ويطلع ناسى انها مراته فى المشهد !......غالبا بيكون يوسف شعبان)

vلما تفاجا باغنيه طلعتلك فى نص الفيلم مالهاش اى لازمه وتبقى مش عارف ايه علاقه الاغنيه والفيلم (اندماج بقى....حول على مولوتى احسنلك )

vلما يكون مستحيل ان التليفون يكون مشغول والطرف التانى يرد قبل ما النمره تجمع اصلا ولا تسمع جرس

(هو ده الكلام مش صداع تليفونات اليومين دول !)

vالعباره السازجه الشهيره فى مشهد القبض على المجرم: سلم نفسك " يامعلم دبور" المكان كله محاصر وبعد ما المجرم يموتله اتنين تلاته عشره من البوليس ويمسكوه بالصدفه فى الاخر تلاقى الظابط بيقوله بكل فخر : مفيش جريمه كامله وانت كنت فاكر انك هتهرب من البوليس بعملتك دى

vلما يتخانق البطل مع المدام ويطلع على البار اللى دايما بيبقو عارفينه فيه (حتى لو اول مره يروح) ويملا الكاس على اخره (ايه هو بيسكر بعصير قصب)

vلما تلاقى البطل واخد الموزه بتاعته وقاعدين فى نفس الكازينو بتاع كل فيلم اللى فى وش ماسبيرو ويطلبو اللمون اللى فى كل الافلام ويخلص المشهد من غير ما حد يشرب حاجه( تقريبا علشان هيتصور بالمشاريب دىفى فيلم تانى)

vلما يصاب البطل برصاصه فى قلبه وينزف الدم من بطنه زى صلصة الكشرى ويقعد يرغى ويوصى اللى حواليه بتركيز وطلاقه لمده خمس دقايق يفك فيها لغز الفيلم والاعلان عن القاتل الحقيقى او البطل يبقى مش ابن مين( والحياه ترجع بمبى تاااانى)

vلما تلاقى البطله صاحيه من النوم متاخر وتجرى على السفره تاخد لقم سريعه وهى واقفه فتقولها الام ماتفطرى يابنتى كويس تروح تقولها : لا ياماما علشان الحق المحاضره وتبوسها وتمشى بعد كده تلاقى الام والاب بصوا لبعض ويبدأوا فى الدعاء للبنت( وتلاقيها مستعجله فى الاخر علشان البطل واقف بالعربيه تحت البيت بقاله ساعتين وربع)

vلماا تلاقى مقر العصابه مليان القش والبراميل الخشب وتلاقى التليفون بيرن من جوه برميل....... المعلم بيتصل يطمن على المخطوفه (غالبا ليلى مراد) اهى

vلما تكون بتشوف مشهد مطارده جامد جدا وتسمع صوت العربيات وهى بتجرى والفرامل اييييييييييييييه وتلاقى العربيات 128 وماشيه بسرعه 30 كيلو( ياسلام على الاثاره والتشويق)

vلما تصاب البطله بالعمى وتقول: ايه ده ياجماعه انتوا طايفين النور ليه ؟ ولما تعرف انها بقت عاميه تصرخ تقول لاااااااااااااااا انا عاميه انا عاميه...( ايه فرحانه اوى كده ) وفى اخر الفيلم اول ما يرجع حبيبها اللى كانت فاكراه ميت من سنين تفتح من الفرحه وتقول : انا بشوف انا بشوف (وتنزل كلمه النهايه) sad

ههههههههههههههههههههههههه
تصدق ياد يا اس اس عندك حق
تسلم ايديك يا صحبى

نور ياجبيب قلبى

» (لعبة بوليودية):تخيلوا واسرحوا بخيالكم أى فيلم عربى بتحبوه وبتحبوا أبطاله يقوم بدوره أبطال من نجوم الهند
» فيلم اسد واربع قطط ادخل وحمل اجمل فيلم كوميدى لهانى رمزى و الــ 4 cats
» الألبوم الرسمى البوم مواويل عربى الصغير 2011 فقط على يلا نحب على اكثر من سيرفر