ياترى شميت النسيم فين؟؟؟؟؟

انا بقي صحيت من النوم بدري عشان اجهز نفسي للسفر وقبل ما اسافر فتحت الكمبيوتر شويه وبعد كدا طلعنا انا وصحابي العريش بس كان هناك المنظر رائع وبجد البحر جامد جدا كفايه منظره والميه صافيه ونزلنا الميه شويه وماكناش عايزين نطلع من كتر جمالها ولما طلعنا خرجنا نزلنا البلد هناك واشترينا لبس وميك اب واكسسورات بس هناك الناس طيبه اوي وكويسين الي حد ما وكان عيد ميلاد صحبتنا يومها فا شغلنا الكمبيوتر علي اغاني في الشاليه ورقصنا بردوا واتصاحبنا علي ناس كتير من هناك واغلبهم لغتهم فلسطينيه وبجد لغتهم تجنن وفي بنت اتصاحبنا عليها هناك وكان فرح اختها فا خدتنا معاها في قاعه هناك جنبنا روحنا الفرح وشوفنا رقص البدو بس مش رضيت لا هي ولا اهلها انهم يدخلونا الفرح بلبسنا اللي كنا لابسينه فا راحت هي وخدانا ولبستنا لبس بدو مع ان اغلبهم مش كانوا لابسين بدو بس كان شكلنا يجنن في اللبس وعندهم العريس والعروسه بيقعدوا علي مسطبه وكمان شبكة العروسه طقيه دهب زي بتاعت الأمير بيبرس والناس دول اللي كانوا بيلبسوها زمان بس بصراحه العريس هناك بيتظلم هو اللي بيجيب كل حاجه والعروسه حتي ما بتجبش لبسها فا دا بجد ظلم للرجال هناك استغربت اوي لما سمعت الحكايات دي وقعدوا يحكوا لينا عن حياتهم وعاداتهم وناس بجد طيبه بس بجد كان يوم جميل جدا وجامد اخر حاجه وكان بقالي كتير ما خرجتش فا كنت محتاجه الخروجه دي وبجد نفسي اليوم دا يرجع تاني
اواتمني ان كل الناس تكون قضت اليوم دا وهي فرحانه ويكون كل شخص فينا فرح وكان سعيد ويارب تدوم علينا السعاده جميعا
ويارب يكون يومكم كان بامبي



:)