تعالو كلنا نفتكر ايام زمان وطفولتنا

كنت بتميل لمين اكتر لماما او بابا؟
لبابا الله يرحمه
موقف يضحك قولتو وانت صغير وماحدش نسيه؟
هو مش قولتوا هو عملتوا أستخبيت تحت الكرسي وماما في المطبخ بتعمل الغداء وبابا مش كان في البيت قلبت الشقه عليا كلها وطلعت الحوش بره وفي الجنينه مالقتش حد فا قعدت علي الكرسي وقالت ياتري انت فين يا .... أبوكي هيموتني وقالت أنا مادورتش هنا بتبص لقتني بعمل ليها عو راحت مقلوبه من الكرسي ودا كان أكبر موقف حصل مني يعني
اول صديق لك بايام الدراسه؟
كانت أسمها أيه
اسم المدرس او المدرسه الي بتميل ليه؟
كان أستاذ خالد
اكتر مادة تكرهها؟
تقريبا العربي عشان النحو والرياضه عشان الهندسه
ايه السؤال الي سالتو لاهلك وماردوش عليك؟
كنت دايما اقول انتوا ليه بتكدبوا عليا وتقولوا انا ماما هي اللي جابتني من بطنها ما بابا اهوه في بطنه نونا زيي يعني هو اللي خلفني صح ولا لأ ؟
دا عشان والدي ربنا يرحمه يارب كان ليه كرش ضغنون شويه
ايه كان مفهومك عن الحب وانت صغير؟
مفهومي عن الحب كان بسيط أوي كان طفولي جدا
حبيت زميلي وانا في 1 أبتدائي بقي يقولي معاكي ساندويتش أقول أه يقوللي معاكي أيه ونبدل مع بعض وكدا
اكتر شخصيه حبيتها واتعلقت بيها؟
لو شخصيه كرتونيه كان طبعا ميكي ماوس والقط والفار
لو شخصيه بشريه بقي فا كانت بنت عمتو
وكنت بتشوف مستقبلك ازاي او حلمك في الحياة؟
كنت وأنا صغيره عايزه أطلع دكتورة قلب عشان أعالج والدي
اكتر شخص كرهتو او تخاف منو؟
هو لسه بردوا موجود وللأسف حد من أهلي يعني بدون ذكر مين هو الحد دا
وايه الشخصيه الي بيخوفوك بيها لو ماقعدتش عاقل؟
عفركوش كانوا يقولوا عفركوش جاي نامي بسرعه كنت أنام علي طول
وايه الكدبه الي بتقولها لو مش عايز تروح المدرسه؟
بطني بتوجعني وبعدين أنا أساسا في الأبتدائي كنت بروح مرات معدوده اساسا
حاجه تمنيتها وانت صغير وماتحققتش وانت كبير؟
مافيش حاجه تمنيتها وانا صغيره ماتحققتش لاكن في حاجات وانا كبيره أتمنتها وماتحققتش
واخر سؤال لو ترجع بيك السنين لورى هتغير ايه؟
هغير أهلي وصحابي



:)