لو أبوها رفع السماعة حتعمل إيه يا عم الشجاع يا شملول......ادخل وجاوب بصراحه؟

لو ابوها رفع السماعه حتعمل ايه ياعمالشجاع؟؟

لو أبوها رفع السماعة حتعمل ايه؟ تخيل سعادتك كده مأنتخ علي السرير الساعة اتنين بالليل ومضلم الأوضة ومسلك سلك التليفون من الصاله وواخد غطس تحت اللحاف وفي وسط الأشواق الملهلبة...واخد بالك يا مرسى ههههههههه بتحبني يا مرسى؟

ج:طبعا يا نفوسة يا حبيبة قلبى ده انتي الهوا اللي بتنفسه والميه اللي بشربها....(ناقص تقولها السجارة اللي بتكيفني) يعني مش هتتخلي عني؟؟

ج:أبدا عمري ياحبي وحتي تنطفيء النجوم وحتييقع القمر وحتي يفوز الزمالك علي الأهلي عيب تقولي كده يا نفوسة سمعتي أغنية بحبك بتاعة رامي صبري؟....( قال يعنى ممكن الزمالك يفكر اصلا يكسب الأهلى فى الأحلام بقى إن شاء الله ههههههه)ج: اه مالها ياحبيبي....)
الأغنية دى كل كلمة فيها بتفكرني بيكي يانور عيني بحبك نفسي أقولهالك وانا ايدي فيايديك....
<

<

<وفجأه....
نعم يا.........؟ طبعا مش هكمل !!
<

<

<وهناحنقول ستوب ونوقف المشهد ونبدأ نسأل السؤال هتعمل ايه ساعتها؟؟؟أو نتخيل سيناريوهات مختلفة للي هيحصل بعدها ممكن مثلا تقفل السكة وطبعا لمدة اتناشر سنهقدام هتلاقي البت تليفونها مقفول ومبتجيش الكليه .......

والسيناريو ده يجرنا لتساؤلتاني في الحاله دي:

1_ تعمل واد محترم بقي وتروح تتقدملها وغرضي شريف واسف ياعمي وجايمن الباب والكلام ده؟؟

2_ولا تبقي واد روش أخر حاجة موديل 2010 خارج من الاجنص حالا وتخلي واحدةصاحبتها تكلمها؟

3_ ولا تطلع ندل ودة المتوقع من الشباب ههههههه وتنفضلها واهو البنات اكتر من الهم علي القلب وتيجيوا حدة مكانها؟ده سيناريو مكتمل محتمل للي ممكن يحصل فيه سيناريو تانى....نعم يا.........؟......ده أبوها ساعتها انت مش هتقفل السكة ثواني ياعمي أنا والله بحب نفوسه بس مستني وقت أرتبط بيها وهنا حيختلف رد فعل الأب حسب شخصيته...يعني ممكن يكون راجل جنتل ويقولك حب ايه ياحيلة الست الحاجة روح ياض العب بعيد ههههههههه وممكن يكون راجل عقلاني....زى باباى كدة يكون صاحب قبل ما يكون أب هو يابني اللي يحب حد يكلمه الساعة دي...لواختك ترضي حد يكلمها كده؟ يابني اللي بيحب حد ميخلهوش يعمل حاجه غلط ولو حتي باسم الحب.....والله الراجل دة بيفهم وزى العسل..أظن يعنى كسفك بالذوق أفهمها يا حدق..يبقى خلى عندك دم وافهم عاوز يقولك إيه بطريق غير مباشر..

وعموما يابني ممكن أعرف انت عايز ايه دلوقت؟...وهنا حتبان نواياك يا برنس سواء كانت بيضا ولا سودة زى وشك..هههههههههه جالك الموت يا تارك الصلاة..وساعتها حتلعن الحب والتلفونات وحتلعن نفوسه

1_يااما تاخد منه ميعاد تقابله وتكلمه وتشرحله ظروفك؟؟...

2_يااما تقول يا عمي انا نفسي اكلمهاوافضل معاها سنتين تلاتة لحد ما اكون نفسي وطبعا بما أنه راجل محترم فرده حيبقى:
تك....صوت سماعة بتتحط وسكة بتتقفل في وشك...دة دة الراجل المحترم أجراك الله بقى لو بتقول الكلام دة لأب دمه حر شوية وعصبى...حيبقى نهارك مش فايت ويبقى حفرت قبرك بإيدك ههههههه

فيه سيناريو تالت:أنك تطلع ندل وترد عليه ماتشتمش يابا الحاج انت...متلم بنتك ياأخويا انا مضربتهاش عليايدها وطبعا رد فعل الراجل علي بق زي ده يااما حيقع علي الكرسي من الصدمة ويجيله يا عينى شلل رعاش ههههههههه وتسمعصوت نفوسه:(بابا...بابا)أو حيرد علي كلامك بالفعل:حيأكل نفوسه ألمين على وشها ويجرها من شعرها يعنى حتأخد العلقة التمام ماهو مش طايل مرسى عشان يحط همه فيه وعشان جبتله الكلام من شحط زى دة عايره ببنته..ههههههههههههه سيناريو رابع:أولماابوها يدخل...هتلاقي نفوسه بتقولك ثواني يا ميسو...بتدلعك ياعم مين قدك يابختك....فيهحاجة يا بابا مخبطتش ليه قبل ماتدخل؟ههههههههههه شوفت بجاحه أكتر من كدة (ناقص تقول لأبوها خد سلم على مرسى وأعزمه على العشا معانا)معلش يا نفوسه)..اصلي كنت بدور علي حاجة..معلش اني مخبط تشطيب يا بابا عاوز حاجة؟ لا خلاص حدور في أوضةتانية ..طبعا أبهات أخر زمن...على الموضه بقى

وفيه سيناريو خامس:وده بقي محتاج واد ابن جنية: وهو انك اولما تلاقي صوت أبوها فجأة..ترقق صوتك علي قد ما تقدر وتعمل نفسك واحدة صحبتها وعشان السيناريو ده ينجح: فأنت محتاج أب اهبل عشان يصدقه أو ممكن حاجة أسهل..انك تتكلمبمنتهي الأدب انك أخو واحدة صحبتها وكنت بتسأل عن أختك لأنها لسه مرجعتش وفي الحالةدي يااما الراجل حيديك فاصل شتيمة في أختك وفي نخوتك وأخلاقك (أوعي تصدق نفسك وتردعليه لأنك مفيش أخت ولا حاجة) أو ممكن يطلع الراجل تربية فكرية ويصدق ويقولك: لما توصليابني ابقوا طمنون اطبعا أنا مقلتش الموضوع من ناحية البنت بمعني لو أبوكي رفعالسماعة..لو أبوها راجل ودمه حامي فيبقي اللي تقدر تعمله بس انها تكون لهاعلاقات في المستشفيات خصوصا قسم العظام عشان يتوصوا بيها و بيك انت كمان....حتبقى نهايتك يا شملول على أبو نفوسهلوانتوا (الشباب طبعا) مكان مرسى هتعملوا ايه عايزه الرد بصراااااحه

وبالذات رأيك يا مرسى..طبعا عارف نفسك غنى يعنى عن التعريف

ويا ريت البنات تشارك برأيها عشان ينقذوا نفوسة ههههههههههه

تحيااااااتى من عاشقة حليم
لو أبوها رفع السماعة حتعمل إيه يا عم الشجاع يا شملول......ادخل وجاوب بصراحه؟ 900945

لو أبوها رفع السماعة حتعمل إيه يا عم الشجاع يا شملول......ادخل وجاوب بصراحه؟ 900945

» ادخل وجاوب بكل صراحه واختبر ذكائك
» ممكن تجاوبوا بصراحه
» يا حج في عريس جايلي.. بس بصراحه مايتعيبش