نكت جامده

واحد عصبي أتجوز واحده عصبيه الدكتور بيولد مراته..نزل الواد يقول للدكتور إبعد إنت أنا هانزل لوحدى


مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين


واحده ست مسكت حرامى في المطبخ ،فقالت لابنها روح أنده أبوك من على القهوة.... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم ؟!!!


واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب الاتوبيس ونوفّر النص جنيه .... فرد وقال له طب منجرى جنب تاكسى ونوفّر خمسة جنيه


واحد يهودي قام من النوم الصبح وطلب من مراته تحضر الفطار، فقالتله عايز تفطر إيه يا أبو كوهين، قالها هما بيضتين مسلوقين، واحده ليكي والتانية ليا، وإعمليهم لغاية ما أطلع على السطوح أظبط الإيريل.... وإوعي تنسي هما بيضتين ، المهم طلع على السطوح إتزحلق ، وقع من عاشر دور، وهو بيقع زعق بعلو صوته " بيضة واحدة بس يا أم كوهيييييييييييييين "



كان فى مسابقة بين ثلاثة أشخاص , المسابقة كانت إنهم يعدوا البحر ويطلعوا الجبل و يقتلوا الغوريلا و يتجوزوا الأميرة ... اول واحد غرق فى البحر ، ثانى واحد عدا البحر لكن وقع من فوق الجبل.... أما الثالث كان غبى شوية) عدا البحر وطلع الجبل وقتل الأميرة .... وأتجوز الغوريلا (



مرة واحد بيقولوا له .... مراتك ماشيه مع كهربائي المنطقه .... قال لهم ده ولا كهربائي ولا بيفهم حاجه في الكهربه


الابن:بتعمل اية يا بابا؟؟ الاب:بكتب جواب لعمك...... الابن:هو انت بتعرف تكتب؟؟!!! الاب:يعني هو عمك اللي بيعرف يقرا


واحد كل ما يشوف متش كورة للفريق بتاعة . الفريق بتاعة يخسر .كل مرة على كدة . لحد ما فى يوم قرر انه ميتفرجش على كورة تانى . فكان فى يوم فى متش كورة للفريق بتاعة . و الفريق بتاعة جاب جون . جة يتفرج على الجون فى الاعادة الجون طلع كورنر





سألوة جحا:عندك كام سنه؟ قالهم:40. سألوة بعد10سنين :عندك كام سنه ؟ قالهم:40.سألوه اذاى بتقول أن عندك 40سنه وأنت قلت كدة من عشر سنين؟ قالهم:اصل كلمة الراجل واحدة





مرة مذيعة أتجوزت واحد شخصيته مهزوزة ... ركبتله أريال






مره حرامى سرق فرخه وراح يكلها على شط النيل فشافه عسكري وقل له مسكتك ياحرامى الفراخ ، والريش جنبك اهو ... فقال له الحرامى لا ياشويش دي نزلت تستحمى وقالت لي خلى بالك من هدومى



واحد ركب اوتوبيس قعد جنب واحد ، شويه وجه الكمسري يقول للراجل اللي جانبه تذاكر قاله ابونيه ... فما خدش منه فلوس.... فصاحبنا عجبته الفكرة قوى ... ركب مرة تانية مع مراته و ابنه... فالكمسري قاله تذاكر قاله أنا ابونيه و دي أم نيه و ده نيه بذات نفسه






واحد غبي ...دخل صالون حلاقة و لما الزباين مشيت الحلاق قال له: دورك تعالى احلق لك .... فقاله أنا مش جاى احلق .. قاله: امال اية.......... قال أنا جاى اسأل عن البيه اللى ساكن فوق .. فالست قالت لي اقعد فى الصالون لغاية ما البيه يجى



واحدة بتتكلم مع صاحبتها بتقولها .... أنا جوزي نساي جدا كل يوم يقولي أنا نسيت مفتاح المكتب ، أنا نسيت مفتاح الشقة......... ردت صاحبتها وقالت لها : طب أنتى أرحم منّي أنا جوزي كل يوم يقول لي أنا شفتك فين قبل كده




واحد بخيل راح يزور مامته فى المستشفى لقى على الباب كلمة ادفع ...... قال ازورها بقى لما تروّح البيت



دكتور أول مره يخرج مع خطيبته دخل كافتريا المستشتفى .... و طلب 2 جالكوز



واحد دماغه مليانه حشرات راح للدكتور قاله يادكتور عاوز اطّلع الحشرات اللى فى راسى... قاله افتح المروحه على الاخر واقعد ادمها هيطير منك الحشرات ، عمل كده وبعدين نام وصحى سمع صوت الحشرات بيقول امبارح كان فيه عاصفه لكن محدش مننا مات ... راح تانى للدكتور قاله منفعش الحل ده ، الدكتور قاله خلاص اركب عربيه واطلع على اخر سرعه وطلع دماغك من الشباك ...عمل كده وهو مروح من عند الدكتور وروح نام وصحى سمعهم بيقولوا امبارح حصل عاصفه شديده قوى ومافيش حد مات .... قام رايح للدكتور تانى وقاله الحل منفعش انا عاوز اخلص بقى .... قاله مفيش إلا حل واحد ، تعد جمب واحد وتحط راسك فى راسه... و الحشرات هتروح منك .... ام راح عمل كده ونام وصحى الصبح سمعهم بيقولوا امبارح كان فى حرب جامدة مع قبيله تانية لكن محدش مننا مات ، واسرنا 500 من القبيلة التانية

:)