يللا نضحك شويه عالنصايح المهييسه عن البنات

- أولاً : ((الولد بيحب البنت الرقيقة))

رفعوا صوتكم يا بنات...و أول ما تشوفي حاجه وحشة .. سورقى (يغمن عليكى) من كتر الرقة عيطى كتير . العياط دليل على الإحساس المرهف . أوائى له .. نكدى عليه الليلة ......................... ال ايه البنت رقيقة بقي وهاي كلاس ابقي شوفها وهي بتموت الصرصار ولا البرص .


- ثانياً : ((الولد بيحب البنت الرومانسية))

سبلى له ...اسرحى كتير كلميه عن القمر و حاجات من دى .قوليله شايف القمر يا عتريس لازم تكونى هيمانه وأنتى بتتكلمى . و يكون صوتك واطى .. وشوشة تهمسي في ودانه كده يقول عصفوره ياخواتي ........................ يجي يشوفك وانتي بتتخانقي مع اخواتك ولا بتناقري ماما هيكرهك اوووي ويقول مش دي الانسانه اللي اتمنتيها علي راي احمد سعد .


- ثالثاً : ((الولد بيحب البنت المؤدبة))


قولي له أنه أول واحد فى حياتك حتى لو كنتى متجوزة قبل كده و حامل فى توأم.. و لو سأل على انتفاخ بطنك قولى له كيس دهنى و لو عارف و متأكد أنه كان ليكي علاقات كثيرة مثله...قوليله :دى كلها أشاعات ده هما اللي كانوا معجبين بيا لكن أنا ولا سألت فيهم كلهم.................ال ايه البنت تقيله وبتتنك علي خلق الله وهي مقضياها ايه هنا وهناك وهنالك لو في كمان.


- رابعاً : ((الولد بيحب البنت الاستايل))


كل ما تشوفي حاجه جديدة قلديها ... يقولوا الموضه الشعر الأصفر ..أضربيه أصفر .. الموضه القصير .. قصريه ..مش مهم شكلك أيه .. ماتصدقيش اللي تقولك ما تخديش من الموضه إلا اللي يناسبك ...دى بتغير منك و مش تبقى على الموضه ...ملحوظه : لو مش عارفه أيه الموضه اختاري لك واحدة معينة أو مذيعة وقلديها .. خليكى نسخة منها......................... يجي يشوفك ياعين امه وانتي بتغسلي ولا بتمسحي اوووووووووووووووووووه هيقول بلا حب بلا نيله .


- خامساً : ((الولد بيحب البنت الدلوعة))


أدلعى ياختى أنت و هى . ما تبقوش مسترجلين نفسكو كده شوية رقه علي حنية علي سهوكه هتلاقيه وقع من اول تسبيله.



- سادساً : ((الولد بيحب البنت الجذابه اللي بتكون محور اهتمام الآخرين))


فهميه أن في آخرين كتير معجبين بيكى و قولى له : أرجوك أوعى تغير إن أنا حواليا كتير...ولا بيهمني أبدا منهم ايه يعنى أكون فى عينهم .ألفى قصص وهمية عن الأولاد الهيمانين فيكى و اللي أنتى مدوخاهم بسحرك و جمالك................ وفي الاساس البنت تلاقيها لا بتهش ولا بتنش وكللله في الكلتش.



- سابعاً : ((الولد بيحب البنت اللي بتحسسه برجولته و تحسسه بنفسه))


إيه ده !.. إيه العضلات دى كلها دى أحلى عضلات شفتها فى حياتى...يا سلام !! إيه الشياكة دى كلها...أنت أشيك ولد شفته فى حياتى ..((مش مهم هو لابس إيه . انبهرى و خلاص ))...يا سلام !! أنت تقاطيع وشك حلوه بشكل (حتى لو كانت ملخبطه) و طول ماأنتى قاعده أشكرى فيه خليه كده قاعد نافش ريشه . و فرحان بنفسه ................. متزوديش اوي لحسن ياخد مقلب في نفسه ياعيني وتيجي بنت تانيه تديله دوش ساقع في عز الشتا وتواجهه بالحقيقه المره.


- ثامناً : ((أتمحكى فيه ( الزقي له )خليكى دايماً معاه))


كل شويه كلميه فى التليفون بأى حجة...قابليه فى كل حته يروحها...إعملى عليه كماشة...بحيث مايعرفش يفلفص منك و لا يشوفش غيرك أدامه...روحى له الشغل أكبسي عليه مع السكرتيره ....... واضمنلك ميه في الميه انه هيزهق منك وممكن تلاقي لاسنه يتكلم بكل ما لذ وطاب ده خصوصا لو طبيتي عليه مع السكرتيره ده لو كان شغال اصلا .



- تاسعاً : ((عددي مواهبك))


أكلك لازم يكون مظبوط قوليله أنا ملحي فى الأكل لا كتير ولا قليل وبعمل شاى سكر زياده...وبلون البيض المسلوق ................ ال يعني خلاص بقي واخده بالك من كل حاجه مش فاضل غير البيض .



- عاشراً : ((رغم حبك الشديد للحريه والانطلاق))


قوليله : أنت مالك وقتي وتفكيري مش عارفه أعمل حاجه إلا اني أفكر فيك مليت عليا أيامي شغلت لي الزمن ............................واساسا مش بيجي علي بالك الا لما تقابل صدفه حاجه فكرتك بيه.